Балюча глядзець, як абразаюць дрэвы? Прыходзьце на нашу сустрэчу, і мы раскажам, як іх абараніць!

Восень — час вельмі сумніўных мерапрыемстваў, якія беларускія камунальшчыкі называюць «кранаваннем». Абрэзка галінаў дрэваў, якую робяць нібыта дзеля іх, насамрэч часта ператвараецца ў варварскае галенне «пад нуль» — пра самыя жахлівыя выпадкі мы ўжо не аднойчы распавядалі. Ці можна ўратаваць дрэвы ад такога незайздроснага лёсу? Так, гэта магчыма, і мы раскажам вам, як гэта можна зрабіць.

Мы вырашылі арганізаваць для вас сустрэчу з Ягорам - адным з аператараў інфалініі па вырашэнні экалагічных праблем «Зялёны тэлефон». На сустрэчы абмяркуем:

– Чым адрознiваецца топінг ад кранавання i як абараніць дрэвы. Што з гэтым рабіць, куды звяртацца? 

– Якім чынам павiнны прыбiраць лiсце ўвосень. Ці заўсёды гэта насамрэч патрэбна?

– Калі дрэвы трэба высякаць, а калі – не. Як спыніць незаконную высечку.

I шмат іншай карыснай інфармацыі. Сустрэча адбудзецца ў анлайн фармаце 5 лістапада ў 19:00 (па мінскім часе). Каб на яе трапіць, вам трэба будзе зарэгістравацца па гэтай спасылцы. У дзень правядзення мерапрыемства вам будзе даслана запрашэнне, скарыстаўшыся каторым, вы трапіце ў нашу дружную кампанію.